Óskemendegi saıabaqta birdeı jer ýchaskeleri kásipkerlerge ártúrli baǵada berilgen – Antıkor
Óskemen qalasyndaǵy saıabaqta birdeı jer ýchaskeleri kásipkerlerge ár túrli baǵada berilgeni anyqtaldy, dep habarlaıdy Kazinform.
Antıkor Óskemende kásipkerlerge saıabaqtaǵy jer ýchaskelerin jalǵa berý kezinde sybaılas jemqorlyq táýekelderin anyqtady.
«Samal» saıabaǵyndaǵy jerdi jalǵa alǵan kásipkerler birdeı ýchaskeler úshin ártúrli baǵa tólegen. Eki kásipker jeriniń de jalpy aýdany – 32 sharshy metr. Sonda uqsas qyzmetter kórsetken olardyń jaldaý baǵasynda aıtarlyqtaı aıyrmashylyq boldy, naqty aıtqanda birinshisi jerdi 120 myń teńgege, al ekinshisi 9 myń teńgege jaldady», - deıdi ShQO boıynsha Sybaılas jemqorlyqqa qarsy qyzmet basshysy Denıs Shakenov.
Osyǵan uqsas faktiler basqa saıabaqtarda da tirkeldi. Sybaılas jemqorlyqqa qarsy monıtorıngtiń usynymdary boıynsha 2024 jylǵy qańtardan bastap qala saıabaqtarynda jer ýchaskelerin jalǵa berý boıynsha konkýrs www.e-qazyna.kz veb-platformasynda elektrondy formatta ótkiziledi.
Bul qadam protsestiń ashyqtyǵy men ádildigin qamtamasyz etedi.
