Óskemendegi Ponton kópiri mamyr aıynyń sońyna deıin ashylýy tıis
ÓSKEMEN. KAZINFORM — Óskemen qalasynda byltyr qarasha aıynan beri jartylaı jabylǵan Ponton kópirindegi uzaqqa sozylǵan jóndeý jumystary aıaqtalýǵa jaqyn.
Bul kópirdiń qala úshin mańyzy zor. Sebebi ol Ertis ózeni arqyly ótetin eki ǵana kópirdiń biri. Onyń birshama ýaqyt jartylaı jabyq turýy turǵyndardyń narazylyǵyn týǵyzǵan edi.
Buǵan kópir astymen ótetin apatty jaǵdaıdaǵy káriz kollektoryn aýystyrý jumystary sebep bolǵan. Qos qubyrdyń biri tolyq demontajdalyp, jańasyna aýystyryldy. Qazir ol synaq kezeńinde.
— Ekinshi qubyr ázirge jumys istep tur. Ony óshirip, jańartý jumystary qysym basqa qubyrǵa aýystyrylǵannan keıin bastalady. Jumystar kezeń-kezeńimen, júıege qaýip tóndirmeı júrgizilip jatyr. Qos qubyrdy da mamyr aıynyń sońyna deıin tolyq aýystyrý josparlanǵan. Kópirdiń naqty ashylý ýaqyty qosymsha habarlanady, — dep habarlady Óskemen qalasy ákimdiginiń baspasóz qyzmetinen.
Aıta keteıik, qys boıy kópirde jumys júrgizilmedi. Sonda da osyndaǵy qozǵalys shektelip, bul jaǵdaı qaladaǵy ekinshi Ertis kópiriniń júktemesin arttyrdy. Sonyń saldarynan uzyn-sonar kólik keptelisteri týyndaǵan.
Eske salsaq, osyǵan deıin Pavlodarda Ertis ózeniniń ústinen salynyp jatqan jańa kópir 2027 jyly tapsyrylatyndyǵy habarlanǵan.