Óskemendegi óndiristik angarda bolǵan órtten zardap shekkenderdiń jaǵdaıy qalaı
ÓSKEMEN. KAZINFORM – Óskemen qalasyndaǵy óndiristik angar aýmaǵynda bolǵan órt saldarynan zardap shekkenderdiń qazirgi jaǵdaıy belgili boldy.
2 naýryz kúni Avrora kóshesinde ornalasqan JShS aýmaǵynda órt shyqqan. Jalyn jeke turǵan angar ǵımaratynan tutanyp, ishtegi arnaıy tehnıkaǵa da jaıylǵan.
Nysan qyzmetkerleri qutqarýshylar kelgenge deıin óz betinshe syrta shyǵyp úlgerdi. Órt saldarynan barlyǵy 3 adam zardap shekken.
1964 jáne 1972 jylǵy eki azamatqa QR Tótenshe jaǵdaılar mınıstrligi janyndaǵy Apattar medıtsınasy ortalyǵynyń dárigerleri oqıǵa ornynda alǵashqy medıtsınalyq kómek kórsetip, keıin olar aýrýhanaǵa jetkizildi.
Shyǵys Qazaqstan oblystyq Densaýlyq saqtaý basqarmasy baspasóz qyzmetiniń málimetinshe, eki zardap shegýshi travmatologııa bóliminde em qabyldap jatyr. Al úshinshi azamat ambýlatorııalyq emdeýge jiberilgen.
- Eki naýqas ta esin biledi, jaǵdaıy ortasha aýyr dep baǵalandy. Jaraqattaryna alǵashqy hırýrgııalyq em-dom júrgizilip, kúıikke qarsy jaqpamaı jaǵylǵan tańǵyshtar salyndy. Sondaı-aq olarǵa bakterııaǵa qarsy vaktsına egildi, - dep habarlady vedomstvo ókilderi.
Eske salsaq, osyǵan deıin Óskemendegi óndiristik angar órtengenin, zardap shekkender bar ekenin habarlaǵan edik.
