Óskemendegi memlekettik rámizder taýyndaǵy Tý jyrtyldy — ákimdik ne deıdi
ÓSKEMEN. KAZINFORM — Óskemen qalasyndaǵy memlekettik rámizder taýyndaǵy jyrtylǵan Tý aýystyrylady.
Búgin áleýmettik jelide qaladaǵy memlekettik rámizder taýyndaǵy Týdyń jyrtylyp ketkeni týraly vıdeo tarady.
Osyǵan qatysty Óskemen qalasy ákimdiginiń baspasóz qyzmetinen jaýap berdi.
— Qazirgi ýaqytta oqıǵa ornyna jedel brıgada jiberildi. Qaýipsizdik maqsatynda jyrtylǵan Tý alyndy. Osy sátte bul aýmaqta jeldiń ekpini qatty bolǵandyqtan, jańa Týdy ornatý múmkin emes. Aýa raıy boljamyna sáıkes, tańǵy saǵat 04:00 shamasynda jel basylǵannan keıin Memlekettik Tý qaıta ilinedi, — delingen habarlamada.
Eske salsaq, osyǵan deıin elimizde memlekettik rámizderdi paıdalaný qaǵıdalary jańartylǵany habarlanǵan.
