11:53, 05 Aqpan 2025 | GMT +5
Óskemendegi kóshelerdiń birinde jylý qubyrynda aqaý shyqty
ÓSKEMEN. KAZINFORM – Óskemen qalasyndaǵy Djek London kóshesinde jylý qubyrynda aqaý shyqty.

5 aqpan tańǵy ýaqytta qaladaǵy Djek London kóshesinde jylý qubyrynan aqaý shyǵyp, 289 jer úıdiń jylýsyz qalý qaýpi týyndady.
- Oqıǵa ornyna jedel apattyq toby baryp, jóndeý jumystaryn bastady. Jalpy sol jerde 5 tehnıka, 2 brıgada jumys isteýde, - dep habarlady qala ákimdiginen.
Qazirgi ýaqytta úılerge jylý berý júıesi qalypty jaǵdaıda jumys istep tur.
- Jylý júıesindegi qysym azaıǵan joq. Jaǵdaı turaqty baqylaýda, - delingen málimette.
Eske salsaq, buǵan deıin Óskemen qalasynda aqpan aıynan bastap jylý tarıfi ózgeretindigi jaıly jazǵanbyz.