Óskemendegi kópirdiń astynan er adamnyń máıiti tabyldy

ShQO Polıtsııa departamenti baspasóz qyzmetiniń málimetine súıensek, tártip saqshylaryna qaladaǵy B.Aleksandrov atyndaǵy sport saraıynyń mańyndaǵy kópirdiń astynda adam máıiti jatqandyǵy týraly habar tústi.

- Oqıǵa ornyna polıtseıler shuǵyl kelip jetti. Úlbi kópiriniń astynan er adam máıiti tabyldy. Marqumnyń kim ekendigi anyqtaldy. Aldyn ala derek boıynsha onyń denesinen zorlyq-zombylyq belgileri tabylǵan joq, - dep habarlady vedomstvo ókilderi.

Er adamnyń ólimine naqty ne sebep bolǵany saraptama jumystarynan keıin belgili bolmaq.

Eske salsaq, buǵan deıin Pavlodarda eki kún buryn joǵalyp ketken kásipkerdiń máıiti tabylǵany habarlanǵan.