Óskemendegi qoǵamdyq kólik «Onay» júıesine qashan kóshedi

ÓSKEMEN. KAZINFORM – Óskemen qalasyndaǵy qoǵamdyq kólikterge jol aqysyn tóleýdiń jańa júıesin engizý sáýir aıyna shegerildi. 

Өскемендегі қоғамдық көлік «Onay» жүйесіне қашан көшеді
Фото: primeminister.kz

Buǵan deıin qala ákimdigi «Onay» júıesine naýryz aıynda kóshýdi josparlaǵan. Alaıda ázirge mamandar jabdyqtardy avtobýstar men tramvaılarǵa tolyq ornatyp úlgermedi.

— Naýryz aıynda áleýmettik sanattaǵy azamattar úshin jeńildik kartalaryn jasap shyǵarý kózdelip otyr. 15 naýryzdan keıin qalada «Ońaı!» kartalaryn satý núkteleri aıtylady. Sol kartalarǵa mobıldi qosymsha arqyly da, offlaın pýnktterde de teńgerimdi toltyrýǵa bolady, - deıdi Óskemen qalalyq turǵyn úı-kommýnaldyq sharýashylyq bólimi basshysynyń orynbasary Rashıd Sherýbaev.

Tasymaldaýshylardyń qazirgi qoldanystaǵy kartalarynda qalǵan qarajatty Jolaýshylardy tasymaldaýdy basqarý ortalyǵyna baryp qaıtaryp alýǵa bolady.  

Eske salsaq, buǵan deıin Óskemende avtobýstar «Onay» júıesine kóshetinin jazǵanbyz. 

Сейчас читают