Óskemendegi kásiporynnyń nóser kárizinde jumysshynyń denesi tabyldy

ÓSKEMEN. KAZINFORM – Óskemen qalasyndaǵy kásiporynnyń nóser kárizinde jumysshynyń denesi tabyldy.

ShQO Memlekettik eńbek ınspektsııasy departamentiniń málimetine súıensek, oqıǵa qaladaǵy shaǵyn kásiporyndardyń birinde bolǵan. Jumysqa óz aýysymyna kelgen jumysshy áriptesin tappaı, izdeı bastaǵan.

«Kóp uzamaı er adamnyń denesi nóser kárizinen tabyldy. Sol jerge polıtsııa qyzmetkerleri shaqyrtylyp, tergeý bastaldy. Saraptama nátıjesinde, marqumnyń alkogol ishkennen keıin bolatyn obstrýktıvti mehanıkalyq asfıksııadan qaıtys bolǵany anyqtaldy», - delingen aqparatta.

Eske salsaq, osyǵan deıin Shyǵys Qazaqstanda bıyl bolǵan jazataıym oqıǵalardan keıin polıtsııa qyzmetkerleri 59 is qozǵaǵany habarlanǵan.