Óskemendegi kásiporyn aýaǵa taraıtyn zııandy shyǵaryndylar normasyn asyryp jibergen
ÓSKEMEN. KAZINFORM — Óskemen turǵyndarynyń kósheni tútin basýy men aýanyń lastanýyna qatysty jıi shaǵymdanýyna baılanysty óńirdegi iri metallýrgııalyq kásiporyndardyń biri — «Kaztsınk» JShS-ǵa jospardan tys tekserý júrgizildi.
Ekologtar «Kaztsınk» JShS kesheniniń metallýrgııalyq alańyna baryp, aýa sapasyna zerthanalyq ólsheýler jasady. Aýa synamalaryn taldaý nátıjesinde kásiporynda aýaǵa taraıtyn zııandy shyǵaryndylar normasynyń asyp ketkendigi anyqtaldy. Buǵan zaýyttaǵy súzgileý jabdyqtarynyń aqaýmen jumys isteýi negizgi sebep bolyp otyr.
— Anyqtalǵan zańbuzýshylyqtar jekelegen gaz tazartý qondyrǵylarynyń tıisti deńgeıde paıdalanylmaıtynyn kórsetedi. Sonyń saldarynan paıdalanylǵan gazdardy tazartý tıimdiligi jobada kózdelgen deńgeıde qamtamasyz etilmegen. Tekserý nátıjeleri boıynsha zańdy tulǵa Ákimshilik quqyq buzýshylyq týraly Kodekstiń 328 jáne 331-baptary boıynsha ákimshilik jaýapkershilikke tartyldy, — dep habarlady ShQO Ekologııa departamentinen.
Ruqsat etilgen shyǵaryndylar normatıvterin jáne qorǵanysh qondyrǵylaryn paıdalaný qaǵıdalaryn buzǵany úshin aıyppul salýmen qatar, qadaǵalaý organy kásiporynǵa naqty talaptar qoıdy.
Іri ónerkásiptik kásiporynǵa jabdyqtarǵa reglamenttik qyzmet kórsetýdi qysqa merzimde retke keltirip, paıdalanylǵan gazdardy tazartý júıesin jobada kózdelgen parametrlerge keltirý jóninde mindetti nusqama berildi.
Eske salsaq, búgin jeti qalada aýa sapasy nasharlaıtyny habarlanǵan.
