Óskemen haıýanattar baǵyndaǵy aǵaıyndy qonjyqtar alǵash ret apanynan shyqty

ÓSKEMEN. KAZINFORM – Óskemen qalasyndaǵy Sol jaǵalaý mýzeı-qoryǵy kesheninde Shandı esimdi aıý úsh qonjyq týdy. 

Bul – sırek kezdesetin jaǵdaı. Sebebi aıýlar ádette eki qonjyqtan asyryp týmaıdy. Qonjyqtar qańtar aıynyń basynda dúnıege keldi. Olar alǵashqy aptalaryn analarynyń qamqorlyǵymen apanda ótkizdi. Osy kezde zoologtar kedergi keltirmeý úshin kameramen baqylap qana otyrdy. 

Búgin Shandı alǵash ret qonjyqtaryn apannan shyǵardy. Qımyly ebedeısiz maımaqtarǵa aınalanyń bári tańsyq ári qyzyq. Endi qonjyqtardy haıýanattar baǵyna kelgen adamdar da kóre alady. 

– Úsh birdeı qonjyqtyń týýy – haıýanattar baǵy úshin óte sırek qubylys. Ana aıýdyń ózin jaıly sezinip, balalaryna qamqorlyq jasap jatqanyna qýanyshtymyz, - deıdi mýzeı-qoryǵy kesheniniń qyzmetkerleri. 

Zoologter qonjyqtardyń jaǵdaıyn jiti baqylaýdy jalǵastyra bermek. 

Eske salsaq, buǵan deıin Ekologııa mınıstrligi kıik atýdan bas tartpaqshy ekenin jazǵanbyz.