Óskemendegi Ertis kópiriniń astyndaǵy jańa jol qashan ashylady

ÓSKEMEN. KAZINFORM — Óskemen qalasyndaǵy Ertis kópiriniń astymen ótetin jańa jol jeltoqsan aıynyń sońyna deıin ashylady. 

Qazirgi ýaqytta jol bóligindegi qurylys jumystary tolyq aıaqtalǵan.

— Kópir astyndaǵy jol tórt jolaqty bolady. Ózen jaq betinde jaıaý júrginshilerge arnalǵan trotýar men ony kólik jolynan bólip turatyn shaǵyn aımaq qarastyrylǵan. Sondaı-aq bul aýmaqta jaryqtandyrý júıesi de tolyq ornatylǵan. Qazirgi ýaqytta tehnıkalyq turǵyda jol kólik qozǵalysyna daıyn. Aldaǵy kúnderi baǵdarshamdar iske qosylady, - dep habarlady Óskemen qalasy ákimdigi. 

Jańa jol paıdalanýǵa berilgen soń aınalma joldaǵy kólik qozǵalysynyń júktemesi shamamen 20 paıyzǵa azaıady dep kútilip otyr.

Aıta keteıik, osy Ertis kópirinde únemi tańerteń jáne keshke uzyn-sonar kólik keptilisi bolady. Sebebi halyq kóp turatyn Jibek matalar kombınaty yqshamaýdanyna aparar negizgi jol osy.

Eske salsaq, buǵan deıin Óskemende qıraǵan Shnaıder kópiri bir jylda qaıta salynatyny habarlanǵan.