Óskemendegi ekologııalyq bıýro kásiporyndardy baqylaýdy bastady

ÓSKEMEN. KAZINFORM – Óskemen qalasynda jańadan qurylǵan ekologııalyq bıýro kásiporyndardy baqylaýdy bastady.

Sońǵy ýaqytta jergilikti halyqtyń aýa sapasyna qatysty shaǵymdarynyń kóbeıýine baılanysty «Kaztsınk» JShS-niń Óskemen metallýrgııalyq alańynda tekseris bastaldy.

Qazir kásiporyndy ekologııa departamentiniń, prokýratýranyń, tótenshe jaǵdaılar departamentiniń jáne basqa da organdardyń ókilderi tekserip jatyr. Shyǵaryndylardyń kózderi men kólemi anyqtalýda.

– Soǵan oraı biz, qoǵam belsendileri jaǵdaıdyń qalaı bolyp jatqanyn baqylaýdy jón kórdik. Bul tekseris júrgizilip jatqan alǵashqy kompanııa. Mundaı tekserister barlyq iri kásiporyndarda júrgizilýi kerek dep oılaımyn. Tekserý nátıjeleri bir aıdyń ishinde belgili bolady, - deıdi «Óskemen tynysy» ekologııalyq qorǵaý bıýrosynyń jetekshisi Elena Berezınskaıa-Abılova.

Aıta keteıik, qalada ornalasqan 60 shaqty ónerkásiptik nysannyń ishinde tek «Kaztsınk» quzyrly vedomstvoǵa shyǵaryndylardy tikeleı kózderden ólsheý úshin memorandýmǵa qol qoıǵan.

Eske salsaq, osyǵan deıin Óskemendegi ekologııalyq bıýro resmı túrde jumysyn bastaǵany habarlanǵan.