Óskemendegi aspaly kópirdi jasóspirimder zaqymdap ketti
ÓSKEMEN. KAZINFORM – Óskemen qalasynda «Samal» saıabaǵy mańyndaǵy aspaly jaıaý júrginshiler kópiri jasóspirimder zaqymdap ketkennen keıin ýaqytsha jabyldy.
Oqıǵa 7 mamyr kúni keshke Karbyshev kóshesinde bolǵan. Oqıǵa kezinde kópir ústinde segiz adam bolǵan. Onyń ishindegi tórteýi kámeletke tolmaǵan jasóspirimder.
Sol jerge shuǵyl túrde qutqarýshylar men jedel járdem qyzmetkerleri kelip jetti. Kópirde bolǵandardyń barlyǵyn dárigerler tekserip shyqty.
Qala ákimdiginiń málimetinshe, eshkim aýyr jaraqat almaǵan. Zardap shekkenderdiń denesinde jeńil jaralar men syrylǵan izder ǵana bar.
Aldyn ala málimet boıynsha, oqys jaǵdaıǵa kópirdiń qatty shaıqalýy sebep bolǵan.
- Kámeletke tolmaǵandar oıyn barysynda kópirdi terbetkenderin moıyndap otyr. Sonyń saldarynan jaıaý júrginshilerge arnalǵan kópirdiń jabyndysy zaqymdanǵan, - dep habarlady qala ákimdiginen.
Qazirgi ýaqytta kópir ýaqytsha jabyldy.
Eske salsaq, osyǵan deıin Túrkistan oblysynda nóser saldarynan kópirlerdi sý shaıyp, 81 adam evakýatsııalanǵany habarlanǵan.
