Óskemende zorlyq-zombylyq qurbandaryna kómek kórsetetin ortalyq ashylady
ShQO Polıtsııa departamenti men Óskemen qalasy ákimdigi arasynda zorlyq-zombylyq qurbandaryna keshendi kómek kórsetý maqsatynda memorandýmǵa qol qoıyldy.
«Áıelder men balalardyń quqyqtary men bostandyqtaryn qorǵaý – eń negizgi maqsattardyń biri. Búgingi kúni daǵdarys ortalyqtarynda seksýaldyq zorlyq-zombylyq qurbandaryna jan-jaqty kómek kórsetetin ortalyqtar qajet. Álemdik tájirıbe kórsetkendeı, kóptegen elderde osyndaı arnaıy qurylǵan ortalyqtarda jábirlenýshilerge tıisti qoldaý kórsetiledi», - dedi oblystyq PD bastyǵynyń birinshi orynbasary Eldos Zakımov.
Memorandým aıasynda qaladaǵy «Úlbi» áleýmettik qyzmet kórsetý ortalyǵynda seksýaldyq zorlyq-zombylyq qurbandaryna arnalǵan ortalyq ashylmaq. Onda zardap shekkenderge túrli sala mamandary kómek kórsetetin bolady.
Esterińizge sala ketsek, osyǵan deıin ShQO-da bıyl múmkindigi shekteýli jandardyń quqyǵy 50 ret buzylǵandyǵy habarlanǵan.