Óskemende zırattardy búldirgen eki er adam ustaldy

ÓSKEMEN. QazAqparat – Óskemen qalasynda zırattardy búldirgen eki er adam ustaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Óskemende tártip saqshylaryna zırattaǵy vandalızm faktisi týraly aqparat túsken.

«Belgisiz bireýler «Ablaketka» shaǵyn aýdanyndaǵy zıratqa zaqym keltirgen. Jedel izdestirý sharalaryn júrgizgen polıtsııa qyzmetkerleri kúdiktilerdiń kim ekenin anyqtady. 23 jáne 30 jastaǵy eki er adam polıtsııa bólimshesine jetkizildi», - delingen aqparatta.

Anyqtalǵandaı, olar buryn da zırattar ornalasqan basqa jerlerde baıqalǵan. Ustalǵandar óz kinálaryn moıyndap otyr.

Qazirgi ýaqytta atalǵan fakti boıynsha QR QK-niń 294-baby 1-bóligine sáıkes sotqa deıingi tergeý amaldary bastaldy. Olardyń zıratty ne sebepti búldirgenderi ázirge belgisiz.