Óskemende jylytý maýsymy bastaldy

ÓSKEMEN. QazAqparat – Óskemen qalasynda jylytý maýsymy bastaldy, dep habarlaıdy QazAqparat.

«Óskemen jylý jelileri» AQ málimetine súıensek, shaharda 25 qyrkúıekten jylytý maýsymy bastaldy.

Qosylý ótken jyldardaǵydaı jylý tutyný obektileriniń tehnıkalyq daıyndyǵyn eskere otyryp kezeń-kezeńimen júzege asyrylady.

«Jylý 3, 4, 6, 7, 9 jáne 105 qazandyqtardyń (Jańa ahmır aýyly) mınımaldy júktemesin qamtamasyz etetin qondyrǵylar daıyn bolǵannan keıin qosylady», - dep habarlady kompanııa ókilderi.

Aıta keteıik, qaladaǵy jylý eseptegish quraldary jáne tehnıkalyq daıyndyq pasporty bar úıler 1 qyrkúıekten bastap jylytýǵa qosyldy.