Óskemende jyly aıaldamanyń ishindegi teledıdardy urlap ketti
ÓSKEMEN. QazAqparat – Óskemende jyly aıaldamalardyń birinde ornatylǵan teledıdar urlandy, dep habarlaıdy QazAqparat Shyǵys Qazaqstan oblysy polıtsııa departamentine silteme jasap.
3 tamyz kúni Óskemen qalasy Polıtsııa basqarmasynyń «102» qyzmetine «Óskemen-tártip» jaýapkershiligi shekteýli seriktestiginiń ókili shaǵymdanǵan. Belgisiz adam kompanııaǵa tıesili Nazarbaev dańǵyly boıyndaǵy jyly aıaldama ishindegi teledıdardy urlap, atalǵan mekemege 50 myń teńge kóleminde shyǵyn keltirgen.
Qońyraý shalynǵan soń iske kirisken Úlbi polıtsııa bóliminiń qyzmetkerleri 32 jastaǵy qala turǵynyn ustap, qylmystyń izin sýytpaı ashty.
Kúdiktiniń buryn da birneshe ret sotty bolǵany tergeý barysynda anyqtalyp, bultartpas naqty aıǵaqtardyń nátıjesinde kinási tolyqtaı moıyndaldy. Qazirgi ýaqytta oǵan qatysty QR Qylmystyq kodeksiniń 188-babynyń 1-bólimi boıynsha sotqa deıingi tergeý amaldary taǵaıyndaldy.
