Óskemende jylý men ystyq sýdyń baǵasy qymbattaıdy
ASTANA. QazAqparat - Óskemen qalasynda 1 qazannan bastap ystyq sý men jylýdyń baǵasy qymbattaıdy, dep habarlaıdy «QazAqparat» HAA tilshisi.
«Óskemen jylý júıeleri» AQ-nyń 2017 jylǵy 1 qazanynan bastap, esepteý quralynyń bolýyna jáne bolmaýyna baılanysty saralanǵan tarıfterin bekitilgendigin habarlaıdy. Kásiporynnyń resmı saıty atalǵan kúnnen bastap ózgeretin tarıfterdiń kestesin jarııa etti.
Keltirilgen málimetke sáıkes, kommýnaldyq qos qyzmetke baǵa shamamen 3,3 paıyzǵa kóterilmek. Úılerinde jeke esepteý quraldary bar turǵyndar ystyq sý úshin budan bylaı aıyna 667,62 teńge tóleıtin (qazirgi ýaqytta 646,58 teńge) bolady. Al páterlerinde jeke esepteý quraldary bar qalalyqtar kýbometr sý úshin 269,73 teńge (qazirgi ýaqytta 261,23 teńge) tóleıdi.
Tarıfterdiń ózgergeni týraly tolyǵyraq aqparatty ukteplo.kz aqparat kózinen tolyǵyraq bilýge bolady.
