Óskemende jyl basynan beri 64 órt tirkelip, 3 adam kóz jumǵan
ÓSKEMEN. QazAqparat – Óskemen qalasynda 2020 jyldyń basynan beri 64 órt oqıǵasy oryn alǵan, dep habarlaıdy QazAqparat.
Qalalyq tótenshe jaǵdaılar basqarmasy baspasóz qyzmetiniń málimetine súıensek, bıyl shahar boıynsha tilsiz jaýdan 3 adam kóz jumyp, 4 adam jaraqat alǵan.
«Ótken jyldyń sáıkes kezeńinde 79 órt oqıǵasy tirkelip, 3 adam qaza tapqan bolatyn. Jalpy 2019 jyly tilsiz jaýdan 17 adam kóz jumǵan. Kóp jaǵdaıda qyzyl jalynnyń aldyn alýǵa bolar edi. Sondyqtan turǵyndarǵa órt qaýipsizdigi erejelerin qatań saqtaý qajettigin eskertemiz», - dep habarlady vedomstvo ókilderi.
