Óskemende jyl basynan beri 50-den astam alaıaqtyq tirkelgen
ÓSKEMEN. QazAqparat – Óskemen qalasynda 2020 jyldyń basynan beri ınternet arqyly nesıe rásimdeýge qatysty 56 alaıaqtyq faktisi tirkeldi, dep habarlaıdy QazAqparat.
Qalalyq polıtsııa basqarmasy baspasóz qyzmetiniń málimetine súıensek, «Kontrafakt» jedel aldyn alý sharasy barysynda 3 óskemendiktiń atyna 160 myń teńgege onlaın-nesıe rásimdegen Almaty oblysynyń turǵyny anyqtaldy.
«Sondaı-aq 1996 jylǵy qyz qurbysynyń atyna 156 myń teńge mólsherinde onlaın-nesıe alǵan. Qazirgi ýaqytta atalǵan faktiler boıynsha QR QK 190-babymen (alaıaqtyq) sotqa deıingi tergeý júrip jatyr. Jyl basynan beri osy syndy 56 alaıaqtyq tirkelgen», - delingen vedomstvo ókilderi.
Polıtsııa qala turǵyndaryna áleýmettik jelilerde jeke derekterdi taratpaýǵa jáne ǵalamtordan taýar satyp alǵan kezde barynsha abaı bolýǵa shaqyrady.
