Óskemende júrip kele jatqan kólik órtendi
ÓSKEMEN. QazAqparat – Óskemen qalasynda júrip kele jatqan kólikten órt shyqqan, dep habarlaıdy QazAqparat.
Qalalyq tótenshe jaǵdaılar basqarmasy baspasóz qyzmetiniń málimetine súıensek, oqıǵa búgin saǵat 07.00 shamasynda bolǵan. Jibek joly kóshesi men Sátpaev dańǵylynyń qıylysynda kele jatqan 1997 jylǵy «Subaru Legacy» markaly avtokólik otqa orandy.
«Órt kóliktiń qozǵaltqysh bóliginen shyqqan. Eshkim zardap shekken joq. Oqıǵanyń mán-jaıy anyqtalýda», - dep habarlady vedomstvo ókilderi.
Osyǵan deıin elorda mańyndaǵy Qosshy eldi mekeninde jolaýshylar avtobýsy órtengenin jazǵan bolatynbyz.
