Óskemende jumys ýaqyty keri shegerilgen soń avtobýstardyń júrý kestesi ózgere me
ÓSKEMEN. KAZINFORM – Óskemende jumys ýaqytynyń bir saǵatqa keri shegerilýi qoǵamdyq kólikterdiń júrý kestesine ózgeris ákelmeıdi.
20 naýryzdan bastap qaladaǵy memlekettik organdar men bıýdjettik uıymdardyń jumys ýaqyty saǵat 08.00-den bastalyp, 17.30-da aıaqtalýda. Osyǵan oraı el arasynda avtobýstar júrý kestesin ózgerte me degen suraq týyndady. Bul saýalǵa Óskemen ákimi Almat Aqyshov jaýap berdi.
- Qoǵamdyq kólikter tańǵy saǵat 06.00-de qatynaı bastaıdy. Sondyqtan jumys ýaqytynyń shegerilýi avtobýstardyń júrý kestesine áser etpeıdi. Dese de qazir týyndap otyrǵan bir másele - tańǵy qarbalastaǵy kólik qozǵalysynyń qarqyndylyǵy. Eger buryn 7:30-ben 8:30 aralyǵynda keptelis bolsa, endi bul ýaqyt ózgerýi múmkin. Sol úshin tasymaldaýshylar jolaýshylar aǵynyna baılanysty avtobýs sanyn arttyryp otyrady, - dedi ákim.
Aıta keteıik, ázirge qaladaǵy mektep oqýshylarynyń sabaqty saǵat nesheden bastaıtynyna qatysty naqty sheshim shyǵarylǵan joq.
Eske salsaq, buǵan deıin Óskemende jumys ýaqyty 1 saǵatqa shegerilgeni habarlanǵan.