Óskemende jumyrtqa baǵasynyń ózgerýine ne áser etti

ÓSKEMEN. KAZINFORM — Óskemen qalasynda jurtqa baǵasy qúrt qymbattap ketti. Sońǵy kúnderi turǵyndar qala dúkenderinde 10 jumyrtqanyń baǵasy birden 80 teńgege qymbattap ketkenin aıtyp jatyr. 

— Buryn on dana jumyrtqany 550 teńgege alatynbyz. Qazir baǵa 630 teńge bolyp ketti. Birden osynshama qymbattaýyna ne áser etti? — deıdi óskemendikter.

Bul saýalǵa Kásipkerlik jáne aýyl sharýashylyǵy bóliminiń basshysy Qymbat Ánýarbekova jaýap berdi. 

— Baǵanyń qymbattaýyna negizgi sebep — qazaqstandyq qus fabrıkalaryndaǵy jumyrtqa qunynyń ósýi. Sonymen qatar, bizdiń óńirde jumyrtqa óndirý oryndary joq. Buǵan qosymsha jetkizý shyǵyndary qosylady, — dedi ol.

Eske salsaq, osyǵan deıin Jetisý oblysynda jumyrtqa men sary maıdy 20-50 paıyz ústememen satqandar jazalanǵany habarlanǵan. 

Sondaı-aq Úkimet óńirlerdegi áleýmettik mańyzy bar taýarlardyń baǵasyn talqylaǵan bolatyn.