Óskemende júk kólikteri soqtyǵysyp, jolaýshy kóz jumdy
ÓSKEMEN. QazAqparat – Óskemen qalasynda soqtyǵysqan eki júk kóligindegi bir adam kóz jumyp, ekeýi jaraqat aldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy qala irgesindegi aınalma jolda bolǵan.
«GAZ 330210» markaly júk kóliginiń 62 jastaǵy júrgizýshisi rýlge ıe bola almaı qalyp, aldynda kele jatqan «GAZ 53B» kóligimen soqtyǵysqan. Sonyń saldarynan «GAZ 330210» kóligindegi 36 jastaǵy jolaýshy jádel járdem kóliginde kóz jumdy. Sol kóliktegi júrgizýshi men 15 jastaǵy ekinshi jolaýshy túrli deńgeıdegi dene jaraqattarymen medıtsınalyq mekemege jetkizildi», - delingen aqparatta.
Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 345-baby 3-bóligine sáıkes sotqa deıingi tergeý amaldary bastaldy.
Birqatar sot-medıtsınalyq saraptama taǵaıyndalyp, sonyń qorytyndysy boıynsha protsessýaldyq sheshim qabyldanady.
Esterińizge sala ketsek, osyǵan deıin ShQO-da jylqyny soqqan kólik júrgizýshisi qaza taýyp, 4 jolaýshy jaraqat alǵanyn habarlaǵan bolatynbyz.
