Óskemende JRVI juqtyrǵandar kóbeıip, aýrýhanalarda shekteý sharalary engizildi

ÓSKEMEN. KAZINFORM – Shyǵys Qazaqstan oblysynda jiti vırýstyq ınfektsııa juqtyrǵandar sany 70 myńǵa jýyqtady.

Shyǵys Qazaqstanda tynys alý joldary ınfektsııalaryn juqtyrǵandar sany kún saıyn artyp barady. Búginde 70 myńǵa jýyq adamǵa JRVI dıagnozy qoıylǵan. Onyń ishinde 200-den astam júkti áıel bar.

Osyǵan baılanysty Óskemendegi Ana men bala ortalyǵynda epıdemıologııalyq shekteý sharalary engizildi. Sonyń aıasynda bosaný bólimshelerinde seriktestiń bolýyna ýaqytsha tyıym salynyp otyr.

- Karantındik talaptardyń kúsheıýine baılanysty seriktespen bosaný ýaqytsha toqtatyldy. Bosaný bólmelerinde olardyń qatysýyna ruqsat berilmeıdi. Qalypty tártiptiń qaıta engizilýi týraly aqparat qosymsha habarlanatyn bolady, - delingen ortalyq ókilderi taratqan aqparatta.
Budan bólek aımaqta gonkong tumaýynyń da ósimi tirkelip otyr. Búginde bul ınfektsııany juqtyrǵan 50-ge jýyq adam anyqtalǵan.

Eske salsaq, osyǵan deıin SQO-da bir aptada «gonkong tumaýyn» juqtyrǵandar sany eki ese artqany habarlanǵan.