Óskemende jóndeýge jaramaıtyn 5 tramvaı isten shyǵarylady
ÓSKEMEN. QazAqparat – Óskemen qalasynda jóndeýge jaramaıtyn 5 tramvaı isten shyǵarylady, dep habarlaıdy QazAqparat tilshisi.
«Óskemen kólik kompanııasy» JShS málimetine súıensek, qaladaǵy birneshe tramvaı isten shyǵarylmaq.
«Parktegi tramvaılar turaqty túrde tekserilip, kerek kezde jóndelip otyrady. Alaıda keıbir tramvaılar tym tozyp ketti. Sondyqtan olardy jóndegennen góri isten shyǵaryp tastaǵan tıimdirek. Jýyq arada barlyǵy 5 tramvaı isten shyǵarylady», - deıdi JShS dırektory Mıhaıl Chaıka.
Onyń aıtýynsha, osydan birneshe jyl buryn Óskemenge Almatyda qoldanysta bolǵan 13 tramvaı jetkizilgen bolatyn. Sondaǵy eki eski tramvaı isten shyǵarylmaq.
Eske salsaq, bıyl tamyz aıynda Óskemende tramvaı jolaqysy qymbattaıtyndyǵyn habarlaǵan edik.
