Óskemende joly shuryq tesik Ertis kópirinde jóndeý jumystary bastaldy

Qaladaǵy Ertis kópirinde jol jabynyn jóndeý jumystary qolǵa alyndy. Negizgi maqsat - eń kóp zaqymdanǵan ýchaskelerdi qalpyna keltirip, jol qozǵalysynyń qaýipsizdigin arttyrý.

Qazirgi ýaqytta mamandar shuńqyrlardy jamap jatyr. Aldymen jol jabyny qatty tozǵan bólikter retke keltiriledi. Jumystar kezeń-kezeńimen, qozǵalysty tolyq shektemeý úshin negizinen túngi ýaqytta júrgizilip jatyr.

Qala ákimdigi bul sharalardyń ýaqytsha sıpatta ekenin málim etti.

- Búginde Ertis kópirinde shuńqyrlardy jamaý jumystary júrgizilip jatyr. Bul jol jabynynyń qaýipsiz jaǵdaıyn saqtaý úshin qajet. Kúrdeli jóndeý jumystaryn oqý jyly aıaqtalǵannan keıin bastaý josparlanyp otyr, - delingen aqparatta.

Aıta keteıik, kúrdeli jóndeý kezinde jol jabynyn tereńirek jańartý kózdelip otyr.

Eske salsaq, osyǵan deıin Óskemendegi Ertis kópiri kúrdeli jóndeý aldynda keshendi tekserýden ótetindigi jaıly jazǵanbyz.