Óskemende joldardy jóndeýge bıtým jetispeı jatyr
ÓSKEMEN. QazAqparat - Bıtým jetispeýi saldarynan Óskemen jol jóndeýshileriniń jumystary kesheýildep qaldy, dep habarlaıdy «QazAqparat» HAA tilshisi qala ákimdiginiń baspasóz qyzmetine silteme jasap.
Turǵyn úı-kommýnaldyq sharýashylyǵy, jolaýshylar tasymaly jáne avtomobıl joldary bóliminiń basshysy Asqar Jaqsylyqovtyń aıtýynsha, bıtým jetkizý boıynsha birqatar máseleler týyndaǵan. Óıtkeni, jetkizý Pavlodar munaı óńdeý zaýyty tarapynan keshiktirilip jatyr.
Kelisimshart jasap, aqysyn tólep qoıǵan jergilikti asfalt zaýyttary qajetti bıtýmdy ala almaı otyr. Bıyl Óskemende 20-ǵa jýyq kóshede jabyndylar aýystyrylady. Búgingi tańda 70 paıyzdan astam negizgi jumystar atqaryldy. Áýezov dańǵylynan bastap Slavskıı jaǵalaýy, UOS memorıalyna deıingi aralyq, qalqyma kópirden Ahmırovqa deıingi Toǵas kóshesi, sondaı-aq, Sátpaev dańǵylyna deıingi aralyq qaıta jóndeý jumystary júrgiziledi.
«Budan ózge qazirgi ýaqytta Jibek joly, Astana jáne Protozanov kóshelerin qaıta jóndeý boıynsha baıqaý jarııalandy. Bıyl sonymen qatar, aýlalar men kireberis joldaryn jóndeý josparlanyp otyr, bul maqsatqa bıýdjetten 150 mln teńge bólindi», - dedi Asqar Jaqsylyqov.
