Óskemende jolaýshylar avtobýsy órtendi
ÓSKEMEN. QazAqparat – Óskemende avtobýs órtendi, dep habarlaıdy QazAqparat qalalyq tótenshe jaǵdaılar basqarmasyna silteme jasap.
Vedomstvonyń málimetinshe, búgin tańerteń 08 saǵat 40 mınýtta Býrov kóshesiniń boıynda qalalyq №13 avtobýs jolda ketip bara jatyp órtengen.
«Kıng Long» markaly avtobýs qozǵaltqyshynyń jylý júıesinde qysqa tuıyqtalý saldarynan órt shyqqan. Órt 1,5 sharshy metrdi qamtyǵan. Órttiń shyǵý sebebi anyqtalyp jatyr, «asa qaýipti agregatty abaısyz qoldaný» nusqasy tekserilýde», - dep túsindirdi TJ basqarmasynan.
Órtten eshkim zardap shekken joq.
