Óskemende jolaýshy tasymaldap kele jatqan tramvaı tútindep ketti

ÓSKEMEN. QazAqparat – Óskemen qalasynda jolaýshy tasymaldap kele jatqan tramvaı tútindep ketti, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa búgin Óskemendegi Saǵadat Nurmaǵambetov kóshesinde bolǵan.

Júrip kele jatqan tramvaı kenet tútindep ketken.

«Tramvaı qatty tútindep ketkendikten toqtap, sol jerge qutqarýshylar kelip jetti. Іshte bolǵan jolaýshylar túgel dalaǵa shyǵaryldy. Abyroı bolǵanda, zardap shekken eshkim joq», - delingen aqparatta.

Belgili bolǵandaı, buǵan qysqa tuıyqtalý sebep bolǵan. Tútindegenmen tramvaıda órt shyqpady.

Eske salsaq, osyǵan deıin Óskemen qalasynda qyzmettik kólikpen jol apatyna túsken 4 polıtseı jaraqat alǵanyn habarlaǵa bolatynbyz.