Óskemende jol jóndeıtin merdigerlerdiń jumysy sylbyr

ÓSKEMEN. QazAqparat – ShQO ákimi Danıal Ahmetov Óskemendegi jol jóndeý jumysynyń barysyn tekserdi, dep habarlaıdy QazAqparat tilshisi.

Búgingi tańda júk kólikteri kirmes úshin Óskemen qalasyn aınalyp ótetin joldar salynyp jatyr.

Bul jaıly aımaq basshysy Danıal Ahmetov Facebook jelisindegi jeke paraqshasynda jazdy.

«Ponton kópirinen bastalatyn joldy jóndeýmen aınalysatyn merdigerlerge qatysty másele bar. Olar joldy paıdalanýǵa berý merzimin negizsiz sozyp keledi. Qazir asfalt tóseldi. Biraq jol jıekteri, burylystar, jaıaý júrginshilerdiń joldary jasalmaǵan. Osy jumystardy múmkindiginshe tezirek aıaqtaý qajet», - dedi ol. ⠀

Danıal Ahmetov atqarylyp jatqan jumystardy tekserý barysynda Óskemen qalasynyń ákimine jol qurylysy júıesindegi birqatar kemshilikti kórsetti.

Óz sózinde ol jasalǵan joldyń asfalty qoparylyp, eńbek esh ketpes úshin sýyq túskenshe barlyq olqylyqtyń ornyn toltyrý kerektigin aıtty.

Sondaı-aq ákim tennıs ortalyǵynyń qurylysyn baqylady.

«Munda jaǵdaı múlde basqasha. Merdigerler kesteden qalmaı istep jatyr. Bul elimizdegi biregeı sport ǵımaraty bolmaq. Osynda qosymsha dene shynyqtyrý-saýyqtyrý dıspanseri ornalasady. ıAǵnı, bizdiń sportshylar jaraqat alǵan jaǵdaıda osy jerde emdeý jáne ońaltý kýrstarynan ótedi», - dedi óńir basshysy.