Óskemende jol ústinde shaǵyn avtobýs janyp ketti
ÓSKEMEN. QazAqparat - Búgin Óskemenniń sol jaǵalaýyndaǵy jolda № 262 reısiniń avtobýsy tolyqtaı janyp ketti, dep habarlaıdy «QazAqparat» HAA tilshisi.
Júrgizýshi otqa oranǵan kólikti joldyń shetine alyp shyǵyp úlgeredi. Órt sóndirýshiler kelgenge deıin avtobýs tolyqtaı janyp ketken. Qalalyq TJ qyzmetiniń deregine súıensek, shaǵyn avtobýstan óz baǵytymen jolda ketip bara jatqan sátte órt shyqqan. Oqıǵa ornynda jedel qyzmet jumys jasap jatyr. Aldyn ala nusqa boıynsha, órt - qaýiptiligi joǵary agregatty abaısyz qoldaný saldarynan bolǵan.
«Órtti ózi sóndirmek bolǵan júrgizýshi qolyn kúıdirip aldy. Odan basqa eshkim zardap shekken joq, - dep habarlady Óskemen TJB baspasóz qyzmeti. - Órttiń aýmaǵy shamamen 10 sharshy metrdi quraıdy. Órttiń shyǵý sebebi retinde qaýiptiligi joǵary agregatty abaısyz qoldaný nusqasy qarastyrylyp otyr».
