Óskemende jol talǵamaıtyn kólik ózenge qulap ketti
ÓSKEMEN. QazAqparat - Búgin Óskemende Úlbi kópiri ótkelinde jol-kólik oqıǵasy saldarynan kólik joldan ózenge qulap ketti, dep habarlady «QazAqparat» HAA tilshisi.
Oqıǵa ornyna ShQO TJD qutqarýshylary shuǵyl attandy. Abyroı bolǵanda, júrgizýshi aman qalyp, kólik batyp ketkenshe, shyǵyp úlgergen.
Kólik tolyqtaı batyp ketti, tek tóbesi ǵana kórinip turdy.
Súńgýirler kólikti tekserip, ishinde eshkim joq ekenin anyqtaǵan soń, kran kómegimen kólikti sýdan alyp shyqty, dep habarlady TJD.
