Óskemende jol-kólik oqıǵasynan zardap shekken polıtsııa qyzmetkeri aýyr halde jatyr
ÓSKEMEN. QazAqparat – Óskemende bolǵan jol-kólik oqıǵasynan zardap shekken polıtsııa qyzmetkeri aýyr jaǵdaıda, dep habarlaıdy QazAqparat Shyǵys Qazaqstan oblysy polıtsııa departamentiniń baspasóz qyzmetine silteme jasap.
«Óskemendegi jol-kólik oqıǵasynan zardap shekken polıtseılerdiń biriniń jaǵdaıy aýyr. Oblystyq polıtsııa departamenti óz qyzmetkerlerine qajetti kómektiń bárin kórsetedi», - dep atap ótti ShQO PD baspasóz qyzmeti.
Esterińizge sala keteıik, jaqynda Óskemende jedel medıtsınalyq kómek kóliginiń júrgizýshisi Sátbaev dańǵylymen Jibek Joly kósheleriniń qıylysynda baǵdarshamnyń tyıym salynǵan belgisinen ótip ketpek bollǵan kezde «KamAZ» júk kóligimen soqtyǵysqan. «Saldarynan medıtsınalyq kómek kóligi qıylysta jol qaýipsizdigin qamtamasyz etip turǵan eki polıtsııa qyzmetkerin qaǵyp ketti. Polıtsııa qyzmetkerleri ártúrli dene jaraqatyn alyp,birinshi qalalyq aýrýhanaǵa jatqyzyldy. Zardap shekkenderge jedel medıtsınalyq kómek kórsetildi.
«Atap ótetin jaıt, jedel medıtsınalyq kómek brıgadasy oblystyq balalar aýrýhanasyna shyntaq býyny shyǵyp ketti degen kúdikpen naýqasty alyp bara jatqan. Biraq kúdik rastalmady», - dedi ShQO PD baspasóz qyzmeti.
QR QK 345 bap, 4 tarmaǵy boıynsha sotqa deıingi tergeý jumystary júrip jatyr.
