Óskemende jol apatynan bir adam kóz jumyp, úsheýi jaraqat aldy
ÓSKEMEN. QazAqparat – Óskemen qalasynda jol apatynan 1 adam kóz jumyp, úsheýi jaraqat aldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Tashkent kóshesinde kele jatqan Subaru Impreza avtokóliginiń júrgizýshisi rýldi basqara almaı qalyp, qarsy jolaqqa shyǵyp ketken.
Sonyń saldarynan Toyota Land Cruiser Prado kóligimen soqtyǵysty.
«Subaru Impreza kóliginiń 29 jastaǵy júrgizýshisi sol jerde til tartpaı ketti. Toyota Land Cruiser Prado kóligin tizgindep kele jatqan 71 jastaǵy azamat pen 65 jastaǵy áıel jáne kámelet jasyna tolmaǵan bala túrli dene jaraqatymen aýrýhanaǵa jatqyzyldy», - delingen aqparatta.
Qazirgi ýaqytta atalǵan fakti boıynsha QR Qylmystyq Kodeksiniń 345-baby 3-bóligine (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýynyń adam ólimine ákelip soǵýy) sáıkes sotqa deıingi tergeý amaldary bastaldy.
