Óskemende jol apatynan bir adam kóz jumdy
ÓSKEMEN. QazAqparat – Óskemen qalasynda eki kólik soqtyǵysyp, 1 adam qaıtys boldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Óskemendegi Sátpaev dańǵylynda bolǵan. «VAZ-2106» jáne «Toyota» markaly kólikter soqtyǵysty.
«VAZ-2106» kóligin tizgindep kele jatqan er adam rýlge ıe bola almaı, qarsy jolaqqa shyǵyp ketken. Sonyń saldarynan «Toyota» kóline soǵyldy. 55 jastaǵy «VAZ-2106» júrgizýshisi oqıǵa ornynda kóz jumdy», - dep habarlady vedomstvo ókilderi.
Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 345-baby 3-bóligine (Abaısyzda adam ólimine ákep soqqan jol qozǵalysy erejelerin buzý) sáıkes sotqa deıingi tergeý amaldary bastaldy.
Esterińizge sala ketsek, osyǵan deıin respýblıkalyq mańyzy bar «Omby-Maıqapshaǵaı» tasjolynda eki kólik betpe-bet soqtyǵysyp, 6 adam mert bolǵanyn habarlaǵan edik.
