Óskemende jol apatynan 4 polıtseı zardap shekti

ÓSKEMEN. QazAqparat – Óskemen qalasynda qyzmettik kólikpen jol apatyna túsken 4 polıtseı jaraqat aldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 8 maýsym kúni Esenberlın dańǵylynyń boıyndaǵy aınalma jolda bolǵan. 4 polıtseı «ÝAZ» markaly qyzmettik kólikpen shaqyrtýdan polıtsııa bólimshesine qaıtyp bara jatqan.

«Sol kezde qarsy baǵytta kele jatqan «Toyota RAV4» kóliginiń júrgizýshisi rýlge ıe bola almaı qalyp, qarsy baǵyttaǵy qozǵalys jolaǵyna shyǵyp ketip, polıtsııa kóligine soqtyǵysty. Jol apaty saldarynan 4 tártip saqshysy da túrli dárejedegi dene jaraqattaryn alǵan. Jádel járdem qyzmetkerleri olarǵa medıtsınalyq kómek kórsetti», - delingen aqparatta.

Jol apatyna sebepker bolǵan «Toyota RAV4» kóliginiń júrgizýshisine qatysty QR ÁQBtK-niń 610-baby 1-bóligi boıynsha ákimshilik hattama toltyryldy.