Óskemende jol apatyna ushyraǵan jádel járdem kóligi aýdarylyp qaldy
ÓSKEMEN. QazAqparat – Óskemen qalasynda jol apatyna ushyraǵan jádel járdem kóligi aýdarylyp qaldy, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, jol-kólik oqıǵasy 30 maýsym kúni Jibek matalar kombınaty yqshamaýdanynda boldy. Jedel járdem men Toyota Ipsum kólikteri soqtyǵysqan.
«Arnaıy jaryq shamdaryn qosyp kele jatqan jedel járdem kóligi Ótepov kóshesinen Sátpaev dańǵylyna qaraı kele jatyp, rettelgen jol qıylysynda qyzyl janyp turǵan baǵdarshamnan ótip ketti. Al sol kezde Toyota Ipsum avtokóligi baǵdarshamnyń qyzyl túsine ótken. Osylaısha, eki kólik soqtyǵysyp qaldy», - delingen habarlamada.
Jol apatynyń saldarynan jedel járdem kóligi aýdarylyp qaldy. Qazirgi ýaqytta oqıǵa ornynda polıtsııa qyzmetkerleri jumys istep jatyr.
