Óskemende jol apaty jıi bolatyn qıylysqa baǵdarsham qoıylmaq
ÓSKEMEN. QazAqparat – Óskemende jol apaty jıi bolatyn qıylysqa baǵdarsham qoıylmaq, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, jańa baǵdarsham «Almaty-Óskemen» tasjoly men Menovnoe aýylyna qaraı aınalma joldyń qıylysyna ornatylady. Bul ýchaskede jol-kólik oqıǵalary jıi tirkeledi.
«Atalǵan jol qıylynda oqys oqıǵalardyń aldyn alý úshin baǵdarsham qoıý týraly sheshim qabyldandy. Condaı-aq keıbir kóshelerge T.11 tıpti baǵdarsham ornatylmaq. Atap aıtqanda, «+» tárizdes qyzyl tústi jańa baǵdarsham Toǵas pen Aıazbaev kósheleriniń, Áýezov pen Jeńis dańǵyldarynyń, Abaı dańǵyly men Traktornaıa kósheleriniń qıylystarynda paıda bolady», - delingen aqparatta.
Aıta keteıik, «+» tárizdes baǵdarsham júrgizýshiler úshin qarsy baǵytta kele jatqan kólikterge qyzyl janyp turǵanyn, sondyqtan solǵa burylýǵa bolatynyn kórsetedi.
