Óskemende jol apaty kezinde kólikke qystyrylyp qalǵan eki adam qutqaryldy
ÓSKEMEN. QazAqparat – Óskemen qalasynda jol apaty saldarynan kólikke qystyrylyp qalǵan eki adam qutqaryldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy Omarov kóshesinde bolǵan.
«Toıota Land Krýzer» jáne «VAZ» avtokólikteri soqtyǵysqan. Jol apaty saldarynan «VAZ» kóligindegi júrgizýshi men jolaýshy ishte qystyrylyp qaldy. Oqıǵa ornyna jedel qutqarý jasaǵynyń qyzmetkerleri kelip jetti. Qutqarýshylar gıdravlıkalyq quralmen 2 adamdy alyp shyǵyp, jedel járdem dárigerlerine tapsyrdy», - delingen aqparatta.
Osy rette departament mamandary qandaı da bir qıyndyqqa tap bolǵan óńir jurtshylyǵyna dereý «112» nómirine qońyraý shalý kerektigin eskertti.
