Óskemende joǵalyp ketken stýdent tabyldy
ÓSKEMEN. QazAqparat - Óskemende on kún buryn joǵalyp ketken Rıdderdiń 18 jastaǵy turǵyny tabyldy. Ol anasyna qońyraý shalyp, aman-esen ekenin jáne jaqyn arada úıge oralatynyn aıtqan, dep habarlaıdy QazAqparat altaynews.kz saıtyna silteme jasap.
Stomatologııalyq kolledjde oqıtyn Aleksandr Kozmın 4 maýsym kúni Óskemen qalasyna jumystarymen ketip, iz-túzsiz joǵalǵan bolatyn. Ony izdeýge eriktiler men polıtsııa qyzmetkerleri jumyldy. Bozbalanyń fotosýreti men erekshe belgileri buqaralyq aqparat quraldary arqyly taratyldy.
Al 14 maýsym kúni Sasha otbasyna ózi qońyraý shalǵan. Alaıda osy ýaqytqa deıin qaıda júrgenin naqty aıtpaǵan.
Búgin anasy Ekaterına ony alyp ketý úshin Óskemenge jolǵa shyqqanyn habarlady.
