Óskemende joǵalyp ketken 52 jastaǵy múgedek áıel izdestirilip jatyr
ÓSKEMEN. QazAqparat – Óskemen qalasynda iz-tússiz joǵalyp ketken 52 jastaǵy múgedek áıel izdestirilip jatyr, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary 9 aqpanda úıinen belgisiz baǵytta shyǵyp ketip, sol kúıi oralmaǵan áıel adamdy izdestirýde.
«Polıtsııaǵa onyń qyzy habarlasyp, kómek suraǵan. Belgili bolǵandaı, 52 jastaǵy Elena Fılıppova IІ toptaǵy múgedek. Ol eki kún buryn tańǵy saǵat 6:00 shamasynda syrtqa shyǵyp ketken. Ústinde halat pen tápishke ǵana bolǵan», - dep habarlady vedomstvo ókilderi.
Polıtsııa qyzmetkerleri jedel-izdestirý sharasy barysynda áıeldiń týystary men tanystarynyń úılerin tekserýde.
Sondaı-aq olarǵa eriktiler de kómektesip jatyr.
