Óskemende joǵalyp ketken 4-synyp oqýshysy tabyldy
ÓSKEMEN. QazAqparat – Óskemen qalasynda 10 jasar qyz basqa avtobýsqa otyryp, adasyp ketken, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, «102» jedel arnasyna habarlasqan áıel 10 jasar qyzynyń iz-túzsiz joǵalyp ketkenin jetkizgen.
Onyń aıtýynsha, túski ýaqytta mektepten shyqqan balasy sol kúıi úıge kelmegen.
Habar túsisimen polıtsııa departamentiniń jeke quramy dereý jumyldyryldy.
«Іzdestirý sharalaryn júrgizgen tártip saqshylary 4-synyp oqýshysyn sol kúni tapqan. Belgili bolǵandaı, kámelet jasyna tolmaǵan bala basqa avtobýsqa otyryp, adasyp ketken. Osylaısha, ol Oktıabrskıı kentine ketip qalǵan. Qazirgi ýaqytta qyz ata-anasyna jetkizildi», - delingen aqparatta.
