Óskemende joǵalyp ketken 32 jastaǵy er adamnyń máıiti tabyldy
ÓSKEMEN. QazAqparat – Óskemen qalasynda joǵalyp ketken 32 jastaǵy er adamnyń máıiti tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Dıas Qapezov 9 naýryzda iz-tússiz joǵaldy. Er adam 23-shi shaǵyn aýdandaǵy úıinen belgisiz baǵytta shyǵyp ketken.
Búgin tańǵy ýaqytta onyń máıiti tabyldy. Atalǵan fakti boıynsha QR Qylmystyq Kodeksiniń 105-baby 1-bóligine sáıkes sotqa deıingi tergeý amaldary júrgizilýde.
«QR Qylmystyq is júrgizý kodeksiniń 201-baby 1-bóligine sáıkes ózge aqparattar jarııa etilmeıdi», - dep habarlady vedomstvo ókilderi.
Esterińizge sala ketsek, osyǵan deıin Óskemende joǵalyp ketken 32 jastaǵy er adamnyń izdestirilip jatqanyn habarlaǵan edik.
