Óskemende joǵalyp ketken 14 jastaǵy qyz úsh kúnnen soń tabyldy
ÓSKEMEN. QazAqparat – Óskemen qalasynda joǵalyp ketken 14 jastaǵy qyz aman-esen tabyldy, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, Jánerke Qanapııanova 8 tamyzda joǵalyp ketken. Úıden dúkenge shyqqan jasóspirim sol kúıi qaıtyp oralmady.
«14 jastaǵy qyzdy izdeýge qalalyq Polıtsııa basqarmasynyń barlyq jeke quramy jáne 50-den astam erikti jumyldyryldy. 11 tamyz kúni Ál-Farabı dańǵylynda oınap júrgen balalar qyzdy kórip qalǵan. Olar Jánerkeni úıine ákeldi», - delingen habarlamada.
Jasóspirim tártip saqshylaryna ne sebepti úıden ketip qalǵanyn aıtyp bergen.
«Anam maǵan urysqan soń, oǵan renjip ketip qaldym. Qurylysy aıaqtalmaǵan ǵımaratqa baryp sonda otyrdym. Kenet ózimdi jaman sezingen soń jata turaıyn dedim. Alaıda ornymnan múlde tura almaı qaldym. Osylaısha, 3 kúndi sol jerde ótkizdim. Áıteýir halim jaqsarǵan boıda syrtqa shyqtym. Osy kezde meni balalar kórip qaldy», - dedi ol.
Esterińizge sala ketsek, osyǵan deıin Óskemende 14 jastaǵy qyzdyń joǵalyp ketkendigin habarlaǵan bolatynbyz.
