Óskemende joǵalyp ketken 13 jastaǵy jetkinshek tabyldy
ÓSKEMEN. QazAqparat – Óskemen qalasynda joǵalyp ketken 13 jastaǵy qyz tabyldy, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 13 aqpanda saǵat 19.00 shamasynda «102» jedel arnasyna habarlasqan er adam kámelettik jasqa tolmaǵan qyzynyń joǵalyp ketkenin aıtty.
Óz sózinde ol tús kezinde apaıynyń úıinen shyqqan balasynyń sol kúıi habar-osharsyz ekenin jetkizdi. Ertis polıtsııa bóliminiń jeke quramy shuǵyl túrde 13 jastaǵy jetkinshekti izdeýge kiristi.
«Іzdestirý jumystaryna kámeletke tolmaǵandar jónindegi ınspektorlar da jumyldyryldy. Qyz barýy múmkin degen jerler túgel tekserildi. Áıteýir tún ortasynda jetkinshek aman-esen tabyldy», - dedi basqarma bastyǵy Andreı Mýla.
Onyń aıtýynsha, qyz óziniń tanysymen kúni boıy qalany aralap, sonyń úıine bara jatqanda tabylǵan.
