Óskemende joǵalyp ketken er adamnyń denesi tabyldy

ÓSKEMEN. KAZINFORM — Óskemen qalasynda iz-tússiz joǵalǵan er adamnyń denesi tabyldy.

Qala turǵyny Rınat Ahmetov bir aptadan astam ýaqyt buryn joǵalyp ketken. 
Belgili bolǵandaı, ol jumys ornynan shyǵyp, sol kúıi úıine qaıtyp oralmaǵan. Azamattyń týystary óz betterimen izdep taba almaǵan soń polıtsııaǵa habarlasqan.

— Іzdeý sharalary barysynda iz-túzsiz joǵalǵan er adamnyń máıiti tabyldy. Denesinde kózge kórinetin zorlyq-zombylyq belgileri anyqtalǵan joq. Qazirgi tańda atalǵan fakti boıynsha sotqa deıingi tergeý amaldary júrgizilip jatyr, — dep habarlady Shyǵys Qazaqstan oblysy polıtsııa departamentiniń baspasóz qyzmetinen.

Marqumnyń ólimine naqty ne sebep bolǵany saraptama qorytyndysynan keıin belgili bolady. 

Eske salsaq, osyǵan deıin Almaty taýlarynda joǵalǵan taǵy eki adamnyń denesi tabylǵany habarlanǵan.