Óskemende joǵalǵan bozbala 2 kún boıy dosynyń úıinde jatqan
ÓSKEMEN. QazAqparat – Óskemen qalasynda joǵalyp ketken 15 jastaǵy bozbala tabyldy, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 14 tamyzda polıtsııaǵa habarlasqan áıel ulynyń joǵalyp ketkenin jetkizdi. Onyń aıtýynsha, osydan 2 kún buryn úıden shyǵyp ketken balasy sol kúıi qaıtyp oralmaǵan.
«Polıtsııa qyzmetkerleri birden jedel-izdestirý sharalaryna kiristi. Sonyń nátıjesinde, 15 jastaǵy bozbala 4 saǵattyń ishinde tabyldy. Belgili bolǵandaı, ol 2 kún boıy dosynyń úıinde jatqan», - dep habarlady vedomstvo ókilderi.
Qazirgi ýaqytta tártip saqshylary balanyń ne sebepti úıden ketip qalǵanyn anyqtap jatyr.
