Óskemende joǵalǵan 7 jasar qyz tabyldy
ÓSKEMEN. QazAqparat – Óskemen qalasynda polıtsııa qyzmetkerleri joǵalǵan 7 jasar qyzdy tapty, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, Ertis polıtsııa bólimine 35 jastaǵy qala turǵyny júgingen. Óz sózinde ol mektepten shyqqan 7 jasar qyzynyń úıge kelmegendigin jetkizip, izdeý jarııalaýdy surady.
«Jedel tergeý toby oqıǵa ornyna shuǵyl jetip, izdestirý jumystaryna kiristi. Bir saǵat ishinde polıtsııa qyzmetkerleri joǵalǵan qyzdyń ornalasqan jerin anyqtady. Ol aýlada balalarmen oınap júrgen. Qazirgi ýaqytta oqýshy aman-esen ata-anasyna tabystaldy», - dedi basqarma bastyǵy Andreı Mýla.
Óz kezeginde qyzdyń anasy jedel-izdestirý sharalaryna qatysqan barlyq tártip saqshylaryna alǵys bildirdi.
