Óskemende joǵalǵan 6 jasar bala tabyldy
ÓSKEMEN. QazAqparat – Óskemen qalasynyń polıtsııa qyzmetkerleri joǵalǵan 6 jasar balany tapty, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 10 naýryzda keshki ýaqytta «102» jedel arnasyna jergilikti turǵyn habarlasqan. Óz sózinde ol 6 jasar ulynyń joǵalyp ketkenin jetkizdi.
«Belgili bolǵandaı, aýlaǵa oınaýǵa shyǵyp ketken bala sol kúıi úıine oralmaǵan. Áıel adam óz betimen izdep taba almaǵan soń, tártip saqshylarynan kómek surady. Birden oqıǵa ornyna jedel-izdestirý toby kelip jetti», - delingen aqparatta.
Polıtseıler qandaı da bir aqparat bere alatyn kýágerlermen sóılesip, saıabaqtardy, jastar jınalatyn oryndardy, dámhanalardy, turǵyn úılerdiń kireberisterin muqııat aralap shyqqan. Sonyń nátıjesinde, «Qyran-5» ekıpajynyń qyzmetkerleri Azamat Esilbek pen Ermek Isaev balany saýda úıleriniń birinen tapty.
«Oqýshy óz sózinde ata-anasyn eskertpesten dostarymen birge dúkenge barǵanyn túsindirgen. Qazirgi ýaqytta ol úıine aman-esen jetkizildi», - dedi basqarma bastyǵynyń birinshi orynbasary Oral Ryspaev.
